സംസ്ഥാനത്ത് പച്ചക്കറിക്ക് പൊള്ളുന്ന വില. ഓണത്തിന് ശേഷം വര്‍ധിച്ച പച്ചക്കറി വിലയില്‍ നട്ടംതിരിഞ്ഞ് ജനങ്ങള്‍. പച്ചക്കറി വാങ്ങിയാല്‍ കീശ കാലി ആകും എന്ന് ജനങ്ങള്‍ പറയുമ്പോഴും വിലക്കയറ്റം നിയന്ത്രിക്കാന്‍ സര്‍ക്കാറിന്റെ ഭാഗത്ത് നിന്നും ഇടപെടലില്ലെന്ന പരാതിയുമുണ്ട്.
ഒരു കിലോ തക്കാളിക്ക് 30 രൂപയില്‍ നിന്ന് 40 രൂപയായി. തേങ്ങ 45 രൂപയില്‍ നിന്നും 65 രൂപയിലെത്തി. ഒരു കിലോ വെളുത്തുള്ളിക്ക് 350 മുതല്‍ 400 രൂപ വരെയാണ് വിപണിയിലെ വില. 40 രൂപയുണ്ടായിരുന്ന ബീറ്റ്‌റൂട്ടിന് ഇന്നലെ കോട്ടയം മാര്‍ക്കറ്റിലെ വില 60 രൂപയാണ്.
