കാഞ്ഞങ്ങാട്: പത്താം ക്ലാസിൽ പഠിക്കുന്ന പതിനാലുവയസ്സുകാരി പ്രസവിച്ചതിനെ തുടർന്ന് പോലീസ് അന്വേഷണം ശക്തമാക്കി. ബുധനാഴ്ച വയറുവേദനയെ തുടർന്ന് ആശുപത്രിയിൽ പ്രവേശിപ്പിച്ച പെൺകുട്ടിയെയാണ് പിന്നീട് പ്രസവത്തിന് തയ്യാറാക്കിയതെന്ന് ആശുപത്രി അധികൃതർ അറിയിച്ചു.
സംഭവവുമായി ബന്ധപ്പെട്ട് പെൺകുട്ടിയുടെ മാതാവിനെ പോലീസ് ചോദ്യം ചെയ്യും. പീഡിപ്പിച്ചത് കുടുംബത്തിൽപ്പെട്ടയാളാകാമെന്നാണ് പ്രാഥമിക സംശയം. പെൺകുട്ടിയുടെ മൊഴി ഉടൻ തന്നെ രേഖപ്പെടുത്തും എന്നും പോലീസ് അറിയിച്ചു.
സംഭവത്തിന്റെ പശ്ചാത്തലത്തിൽ ഡി.എൻ.എ പരിശോധനയും നടത്തുമെന്ന് അന്വേഷണ സംഘം അറിയിച്ചു.
