കൊച്ചി: “മഹേഷിന്റെ പ്രതികാരത്തിൽ ആകെ രണ്ടു സീനുകൾ മാത്രമായിരുന്നു എനിക്ക്, പക്ഷേ ആ സിനിമയ്ക്കുശേഷം ജീവിതം തന്നെ മാറ്റപ്പെട്ടു,” — എന്നും സിനിമയെ സ്വപ്നമായി കണ്ടു നടന്നു, അവസരങ്ങളേറെ ലഭിക്കാതിരുന്ന കാലത്തെ കുറിച്ച് തുറന്നുപറഞ്ഞിരിക്കുകയാണ് നടനും സംവിധായകനുമായ രാജേഷ് മാധവൻ.
ദിലീഷ് പോത്തന്റെ ആദ്യ സംവിധാനപ്രവർത്തിയായ ‘മഹേഷിന്റെ പ്രതികാരം’ എന്ന ചിത്രത്തിലൂടെയാണ് കാമറയ്ക്ക് പുറകിൽ നിന്നിരുന്ന രാജേഷ് മാധവൻ ആദ്യമായി മുന്നിലെത്തിയത്. ചുരുങ്ങിയ ഭാഗത്തേ പ്രകടനം ഉണ്ടായിരുന്നെങ്കിലും, അത് എന്റെ വ്യക്തിപരമായ ജീവിതത്തിൽ വലിയ മാറ്റം കൊണ്ടുവന്നതായാണ് അദ്ദേഹം പറയുന്നത്.
“അവസരങ്ങൾ കിട്ടുമോ എന്ന് പോലും സംശയിക്കുമ്പോഴായിരുന്നു ആ വിളി. വെറുതെ ഇരിക്കുമ്പോൾ ഒരു രാവിലെ എന്നെ തേടി ആ സിനിമ എത്തി. അതാണ് വഴിത്തിരിവായത്,” — രാജേഷ് മാധവൻ റെഡ് എഫ്എം മലയാളം ന്റെ അഭിമുഖത്തിൽ പറഞ്ഞു.
സിനിമയിലേക്കുള്ള തുടക്കം കാമറയ്ക്കു പിന്നിൽ കഥയെഴുത്തിലും സംവിധാനത്തിലുമായിരുന്നു. “എഴുത്ത് എന്നെ ഏറെ ആകർഷിച്ചിരുന്നുവെങ്കിലും, അതിലും അവസരങ്ങൾ ലഭിച്ചില്ല. ‘മഹേഷിന്റെ പ്രതികാരം’ എന്ന സിനിമയ്‌ക്കുശേഷമായിരുന്നു പ്രേക്ഷകരും നാട്ടുകാരും എന്നെ തിരിച്ചറിയാൻ തുടങ്ങിയത്,” അദ്ദേഹം പറഞ്ഞു.
