കാസർകോട് : കാസർകോട് ബേക്കലിൽ ആംബുലൻസിന്റെ വഴിമുടക്കി കാറിൽ അഭ്യാസപ്രകടനം. വഴിമുടക്കിയത് 16 കി.മി ഓളം. അമിത വേഗത്തിലായിരുന്നു കാര് മറ്റൊരു കാറിലും ബൈക്കിലും ഇടിച്ചു. വ്യാഴാഴ്ച രാത്രി 7 :50 സംഭവം നടന്നത്. കാസർകോട് നുള്ളിപ്പാടിയിലെ കെയർ വെൽ ആശുപത്രി നിന്ന് കാഞ്ഞങ്ങാടിലെ ജില്ലാ ആശുപത്രിയിലേക്കു രോഗിയുമായി പോവുകയായിരുന്നു ആംബുലൻസ്. കെ എൽ 48 കെ
9888 നമ്പർ കാറാണ് ബേക്കലിൽ നിന്ന് ആംബുലൻസിന്റെ മുന്നിൽ കയറിയത്.
സ്ട്രോക്ക് വന്ന രോഗിയുമായാണ് ആംബുലൻസ് ജില്ലാ ആശുപത്രിയിലേക്ക് പോയത്. അടിയന്തിര ചികിത്സ വേണ്ട രോഗിയായിരുന്നു ആംബുലൻസിൽ. നിർത്താതെ ഹോണടിച്ചിട്ടും കാർ മാറിയില്ല. മറ്റ് വാഹനങ്ങൾ സൈഡ് നൽകിയിട്ടും കാർ മുന്നിൽ നിന്ന് മാറാൻ കൂട്ടാക്കിയില്ല.
സംഭവത്തിൽ ആംബുന്‍സ് ഡ്രൈവര്‍ മോട്ടോര്‍ വാഹന വകുപ്പിന് പരാതി നല്‍കി. പ്രാഥമിക അന്വേഷണത്തിൽ കാർ വടക്കാഞ്ചേരി രജിസ്ട്രേഷനിലുള്ളതാണ്. ഇത് കൊടുവള്ളി സ്വദേശി മുഹമ്മദ് സഫ്‌വാൻ്റേതാണെന്നാണ് വിവരം. ആംബുലൻസ് ഡ്രൈവർ ഡെയ്‌സണാണ് പരാതി നൽകിയത്. സംഭവത്തിൽ അന്വേഷണം തുടരുകയാണെന്ന് ആ‍ർടിഒ രാജേഷ് പറഞ്ഞു.
